بسم الله الرحمن الرحيم
دلوں كے اعمال
كلمۀمترجم
الحمد لله وحده والصلاة والسلام على من لا نبي بعده وبعد
عبادات كے باب ميں بهت سے لوگ خاصي توجه ديتے هيں۔ ان ميں سے كچھ ايسے بھي هيں٬ جن كي عنايت دلي كيفيت اور قلبي اعمال كي جانب كم هوتي هے۔ يه كم توجهي بسا اوقات عبادتوں كي فضيلت كم كرنے كا موجب بنتي هے۔ بلكه كبھي كبھي تو عمل كو هي باطل كي كھائي ميں ڈھكيل ديتي هے۔ چنانچه آج جتنے بھي فرق ومذاهب پائے جاتے هيں٬ ان ميں اكثريت كي ڈورقلبي اعمال واعتقاد ميں بے راه روي سےهي بندھي هے۔ اسي لئے ان كے اعمال حسب اختلاف مقبول يا مردود قرار دئے جاتے هيں۔
يه سچ هے كه اگر دلوں كے اعمال كو جان كر ان پر نظر ركھي گئي٬ تو عبادات خواه كم هي كيوں نه هوں؟ باذن الله محفوظ اور مقبول هوں گے۔ ورنه خواه كوئي "عاملة ناصبة" پهاڑوں كي مانند اعمال پيش كرے٬ الله كي نظر ميں "ھباء منثورا"اور بے وزن تنكے كي طرح بے سود هوں گے۔
اس كتاب كے موضوع سے بادئ النظر ميں قلبي اعمال كا حصر لگتا هے۔ مگر اس كا زياده تر حصه اس كي اهميت پر مشتمل هے۔ قلبي اعمال كا ذكر بطور نمونه هي آيا هے۔ اور چوں كه دين كي روح عقيده٬ اور عقيده كا مغز قلبي اعمال هي هيں۔ اس لئے اس كتاب كے ترجمه كي طرف رجحان هوا۔ اگر اهميت معلوم هو گئي٬ تو ان اعمال كي جستجو يقينا پيدا هو جائےگي۔
دوران ترجمه عوامي لهجه ٬ آسان ٬سليس اور عام فهم هونے كا خيال ركھا گيا هے۔كئي جگهوں پر مكرر عبارات چھوڑ دي گئي هيں۔ اور كچھ جگهوں ميں وضاحت كے لئے تقريبي عبارات كا اضافه بھي كيا گيا هے۔ ميں نے ترجمه سے زياده عام فهم بنانے كي كوشش كي هے۔ كيوں كه ترجمے ميں الجھنے كے بجائے اس فكر كو پهنچانا هي اصل هدف هے۔
الله تعالےمؤلف كتاب كو دين ميں مقام بخشے۔ اور امت كو ان سے فائده پهنچائے۔ جنھوں نے هماري توجه ايك حساس موضوع كي جانب مبذول كرائي۔ نيز خاكسار مترجم اور اس كے والدين كو اپنےعفو وكرم ميں جگه دے٬ جواردو داں طبقه تك اس اهم موضوع كو پهنچانے كا سبب هے۔ بالخصوص مكتب تعاوني برائے دعوت وارشاد وتوعيۀجاليات محافظه تيماء كو اپني تاييد ونصرت اور توفيق سے نوازے۔ جس نے ترجمه٬طباعت اور نشر كا بيڑه اٹھايا۔ لوگوں تك اس كتاب كے پهونچنے ميں جس كسي كا بھي مادي يا معنوي دخل هو٬ الله تعالے اسے دونوں جهان كي كاميابي سے همكنار كرے۔ نيزعامة الناس كے لئےاس كتاب كو مفيد بنائے۔ اور حق كي جانب همارے دلوں كي رهنمائي كرے۔ وهي دلوں كا بادشاه هے٬همارا مددگار بھي٬ اور عطا كرنے پر قادر بھي۔ وصلى الله وسلم وبارك وأنعم على نبينا محمد وعلى آله وصحبه أجمعين. ومن تبعهم بإحسان إلى يوم الدين.
عبد الله الكافي بن غريب الله المحمدي
خريج الجامعه الاسلاميه المدينه المنوره
داعيه ومترجم شعبۀجاليات
مكتب تعاوني برائے دعوت وارشاد وتوعيۀجاليات محافظه تيماءسعودي عرب
بسم الله الرحمن الرحيم
الحمد لله رب العالمين والصلاة والسلام على نبينا محمد وعلى آله وصحبه ومن اهتدى بهديه إلى يوم الدين وبعد.
بلا شك "دلوں كے اعمال" كا مسئله اهم ترين موضوعات ميں سے هے٬ جس كي جانب خاص توجه دينا اور اس پر تفقه حاصل كرنا هر مسلمان كے لئے ضروري هے۔كيوں كه عمل كي قبوليت ميں ا س كا بهت بڑا دخل هے۔
ميں نے "دلوں كے اعمال" كے موضوع پر رياض سٹي كے كسي جامع مسجد ميں ايك لكچر ديا تھا۔ جسے برادر محترم شيخ سهيل بن محمد الرثيع نے ترتيب وعنايت كے بعدطباعت سے آراسته كيا۔ الله تعالے انھيں جزائے خير عطا ءكرے٬ اور اس رساله سے قارئين كرام كو نفع بخشے۔ نيز همارے اعمال واقوال كو خالص اپني رضاء كے لئے بنائے۔وصلى الله وسلم على نبينا محمد وعلى آله وصحبه .
د/ سعد تركي الخثلان
رياض ۱۲/ ۲/ ۱۴۳۱ ھ
بسم الله الرحمن الرحيم
اعضاء جسم ميں سب سے اشرف عضو "دل"هے۔ بندے كےجسم ميں يهي وه عضو هے٬ جس كي جانب الله تعالى نظر فرماتا هے۔ جيسا كه رسول الله ﷺ نے فرمايا:[الله تعالى تمهاري شكلوں يا تمهارے جسموں كو نهيں ديكھتا٬ ليكن تمهارے "دلوں" اور تمهارے اعمال كو ديكھتا هے][1]
بندے كا دل الله كي نظر كا مقام هے۔ جب يه دل صحيح سالم رهتا هے٬تو پورا جسم صحيح سالم رهتاهے۔ اور جب يه بگڑجاتا هے٬ تو پورا جسم بگڑجاتا هے۔ رسول الله ﷺ فرماتے هيں: [آگاه رهو! جسم كے اندر ايك ايسا عضو هے٬ جب وه صحيح رها٬ تو پورا جسم صحيح رها٬ اور جب وه بگڑ گيا٬ تو پورا جسم بگڑ گيا٬ آگاه رهو! وه عضو "قلب" هے][2]
قلب هي الله عز وجل كي معرفت ٬ اس كي محبت٬ اس كي خشيت٬ ا س كا خوف٬ اس سے اميد اور اس پر توكل كا محل هے۔ اور يهي مقام هے نيت كا٬ جس نيت (كےصحيح هونے) سے يا توا عمال صحيح هو كر قابل قبول هو جاتے هيں٬ يا (غلط هو جانے سے)باطل و مردود هو جاتے هيں [اعمال كاد ارو مدار نيتوں پر هے٬ اور هر آدمي كو وهي ملے گا جس كي اس نے نيت كي هے][3]
امام ابن القيم رحمه الله فرماتے هيں: "انسان كے (جسم كے) اندر سب سے اشرف ا س كا دل هے۔ جس سے وه الله كي معرفت حاصل كرتا هے٬ اس كي جانب اقدام كي كوششيں كرتا هے٬ اس كي محبت كا سزاوار بنتا هے۔ يهي دل ايمان وعرفان كا محل هے۔ رسولوں كي بعثت اسي كي طرف هوئي٬ اور ا س كا مخاطب بھي وهي هے۔ ايمان وعقل جيسا (رب كا) بيش قيمت عطيه اسي كے لئے خاص هے۔ اور ديگر اعضاء وجوارح اس كے تابع هيں۔ انھيں دل استعمال كرتا هے۔ جس طرح بادشاه اپنے غلاموں كا٬ اور راعي اپنے رعايه كا استعمال كرتا هے۔ هم تواس الله كي پاكي بيان كرتے هيں٬ جو رب دلوں كا الٹ پھير كرنے والا هے۔ اور مخفي اسرار ميں سےجو چاهے اس( دل) كو وديعت كرنے والا هے۔ جو رب آدمي اور اس كے دل كے درميان حائل هونے والا هے۔ جو جاننے والا هے كه اس ميں كس مقدار ميں اس كي طاعت (كا جذبه) چھپا هے۔ اور جو دلوں كو موڑنے والا هے جب اور جس طرف چاهے۔ وه رب جليل القدر اور عالي مرتبت هے۔ اسي لئے نبي ﷺ كي اكثر قسميں[لا ومقلب القلوب][4] يعني (دلوں كو پلٹنے والے كي قسم نهيں) هوا كرتي تھيں۔ اور آپ ﷺ اپني دعاؤں ميں فرماتے: [اے دلوں كے پلٹنے والے! تيرے دين پر ميرے دل كو ثابت ركھ][5] نيز [اے دلوں كے موڑنے والے! ميرے دل كوتيري طاعت كي جانب موڑ دے[6]] [7]
يه چھوٹا سا "ٹكڑا" اس كي شان عجيب هے۔ بدن كا هر عضومخصوص كام كے لئے پيدا كيا گيا هے۔ هر عضو الگ الگ اپنا مخصوص كام بخوبي انجام ديتا رهے٬ يه اس كي صحت وتندرستي هے۔ اور اس كي بيماري يه هے كه وه اپنا كام جس كے لئے اسے بنايا گيا هے٬ صحيح طريقه پر ادا نه كر سكے۔ مثلا هاتھ پكڑنے پر قادر نه هو٬ تو يه هاتھ كي بيماري هے۔ آنكھ ديكھنے سے معذور هو٬ تو يه آنكھ بيمار قرار پاتي هے۔ زبان كي بيماري يه هے كه وه بولنے سے عاجز رهے۔ فطري حركتوں كي طاقت نه ركھنا ٬ يا كمزوري بدن كي بيماري ماني جاتي هے۔
لهذا - جب دل بھي جسم كا ايك عضو هے- تو دل كي بيماري كيا هے؟
دل كي بيماري يه هے كه وه جس كام كے لئے پيدا كيا گيا هے٬ وه اس سے نه هونے لگے۔ مثلا الله عز وجل كي معرفت حاصل كرنا٬ اس سے محبت كرنا٬ اس سے ملنے كا شوق ركھنا٬ اس كي جانب رجوع هونا٬ اور ان كے لئے اپني تمام تر خواهشات وشهوات كو قربان كردينا۔ اگر كوئي اس درجے تك نه پهونچ سكے٬ تواس كا مفهوم يهي هے كه ا س كا دل صحيح سالم وتندرست نهيں هے٬ بلكه وه بيمار هے۔
جس طرح سےآنكھ كا نه ديكھ پانا اس كي علت اور بيماري هے۔ اسي طرح دل كا الله عز وجل كي معرفت٬ اس كي محبت٬ اس سے ملنے كا شوق اور اس كي جانب مراجعت سے خالي هونا اس كي علت اور مرض هے۔
بعض صاحب قلب اپني اس قلبي بيماري كا احساس هي نهيں كر پاتے۔ بسا اوقات محسوس هو بھي جائے٬ تو دواؤں كي كڑواهٹ كا جھيلنا اس پر شاق گزرتا هے۔ جب كه هر مسلمان پر اپنے دل كي صحت وسلامتي كا خيال ركھنا ضروري هے۔ كيوں كه بندے كي صلاح وفلاح اور اس كے اعمال كا دار ومدار اسي پر منحصر هے۔ الله تعالے فرماتا هے: {يَوْمَ لَا يَنفَعُ مَالٌ وَلَا بَنُونَ * إِلَّا مَنْ أَتَى اللَّهَ بِقَلْبٍ سَلِيمٍ }[8] ترجمه: جس دن كه مال اور اولاد كچھ كام نه آئے گي٬ ليكن فائده والا جو الله تعالے كے سامنے بے عيب دل لے كر جائے۔
قلبي امراض كي متعدد شكليں هيں۔ كچھ لوگوں كے دلوں ميں شبهات كي بيماري هوتي هے۔ جب بھي كوئي شك وشبه والي بات سن لي٬ بے چين هو گئے۔ اور كبھي كبھي اس قدر متاثر هو جاتے هيں٬ كه شكوك وشبهات كي كچھ باتيں ان كے دل ميں بھي اجاگر هونے لگتي هيں۔ايسے لوگ شبهات كي باتيں غور سے سننے والے هوتے هيں۔ ان سے متأثر هوتے هيں۔ اور بعض دفعه انھيں قبول بھي كر ليتے هيں۔ يهي وه لوگ هيں جو مريض قلب هيں۔ جنھيں شبهات كي بيماري لاحق هوگئي هے۔
بعض لوگ شهوات كے مريض هوتے هيں۔ ان كے دلوں ميں شهوت كا مرض غالب هوتا هے۔ خاص طور سے زنا كي شهوت۔ قلبي امراض كے اس نوع كا ذكر الله عز وجل نے اپنے اس قول ميں بيان فرمايا هے: {يَا نِسَاء النَّبِيِّ لَسْتُنَّ كَأَحَدٍ مِّنَ النِّسَاء إِنِ اتَّقَيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلاً مَّعْرُوفاً }[9] ترجمه: اے نبي كي بيويو! تم عام عورتوں كي طرح نهيں هو٬ اگر تم پرهيزگاري اختيار كرو٬ تو نرم لهجے سے بات نه كرو٬ كه جس كے دل ميں روگ هو٬ وه كوئي برا خيال كرے۔ اور هاں قاعدے كے مطابق كلام كرو۔
اس آيت پر غور كريں٬ كس طرح الله تعالے نے واضح فرمايا ٬كه محض بات چيت كے انداز ميں اگر عورت نرم پڑ جائے٬ تواس ميں اپني هوس كا طمع وه كرتا هے٬ جس كا دل بيمار هے۔ يعني شهوت كا مريض هے۔ كيوں كه وه اس كے لئے پهلے سے تيار بيٹھا هوتا هے۔ جيسے هي كوئي عورت ديكھي٬ فورا اس كي طرف راغب هوا۔ اس كےاسباب ومحركات كتنے هي حقير ٬ بلكه محض نرم گفتاري هي كيوں نه هو۔ عورت كي طرف سے هلكے سے هلكے وسائل كو بھي ا س كا دل قبول كر ليتا هے۔ اس طرح كے لوگ هر معاشره ميں پائے جاتے هيں۔ يهي وه لوگ هيں٬ جو عورتوں كو تانك جھانك كرتے يا ان كا پيچھا كرتے هوئے نظر آتے هيں۔ اور يه سب كچھ محض شدت شهوت كي بناء پر نهيں٬ بلكه دل كي بيماري كے سبب هوتا هے۔ ايسا انسان مريض قلب هے٬ اور علاج كا محتاج هے۔
كچھ لوگوں كے دلوں ميں مال جمع كرنے كي بيماري هوتي هے۔ ايسے لوگ بهر حال مال اكٹھا كرنے كے حريص هوتے هيں۔ خواه اسے حاصل كرنے كا كوئي بھي طريقه هو۔ وه مال جمع كر كے ا س كا ذخيره بناتے هيں۔ اور اسے خرچ كرنے كے بجائے سختي سے اس كي حفاظت كرتے هيں۔ مال كي محبت نے ان كے دلو ں كو مسخر كر ركھا هوتا هے۔ ايسے لوگ بھي مريض قلب هوتے هيں۔
كچھ لوگوں كا دل لهو ولعب كا مريض هوتا هے۔ وه هميشه كھيل كود٬ موج مستي٬ هنسي مذاق اور غفلت ميں پڑے رهتے هيں۔ يه بھي قلبي بيمار هوتے هيں۔
اس طرح پته چلتا هے٬ كه قلبي امراض كي مختلف قسميں هيں۔ گرچه الله عز وجل نے اس مقام پر ان ميں سے صرف ايك هي كا ذكر كيا هے۔ مگر اس كے متعدد اقسام هيں۔ اسي لئے مسلمان كو چاهئے كه وه هميشه اپنے دل كي اصلاح كے لئے كمر بسته رهے۔ اور اگر كسي كوان ميں سے كوئي بيماري لاحق هو جائے٬ تو فورا ا سكا علاج كرے۔
زنده دل آدمي اپنے اندر طمانينت ٬ سعادت اور راحت كي لذت پاتا هے۔ زنده دلي انسان كو طاعتوں كي جانب مائل كرتي هے۔ بلكه كئي طرح كي نفسياتي آسانياں پيدا كر ديتي هے۔ كلفت ومشقت محسوس كئے بغير اعمال خير كا انجام دينا سهل بنا ديتي هے۔ الله عز وجل فرماتا هے:{الَّذِينَ آمَنُواْ وَتَطْمَئِنُّ قُلُوبُهُم بِذِكْرِ اللّهِ أَلاَ بِذِكْرِ اللّهِ تَطْمَئِنُّ الْقُلُوبُ }[10] ترجمه: جو لوگ ايمان لائے٬ ان كے دل الله كے ذكر سے اطمينان حاصل كرتے هيں۔ ياد ركھو! الله كے ذكر سے هي دلوں كو تسلي حاصل هوتي هے۔
ذاكر اپنے دل ميں رب كي طرف سے ايسي طمانينت محسوس كرتا هے٬ جس كا وصف بيان كرنے سے زبان عاجز هے۔
سلف ميں سے كسي نے اس طمانينت كي صفت بيان كرتے هوئے كها: بے چارے دنيا والے دنيا سے آ كر چلےبھي گئے٬ او ر دنيا كي سب سے طيب اور سب سے لذيذ چيز كو چكھا تك نهيں۔ ان سے پوچھا گيا كه: دنيا كے اندر سب سے طيب چيز كيا هے؟ جواب ديا: الله سے محبت ا ور اس سے انسيت ركھنا٬ اور اس كي ملاقات كے لئے مشتاق رهنا۔
كسي اور نے كها: الله كي قسم كبھي كبھي مجھ پر ايسا وقت گذرتا هے٬ كه خوشي سے ميرا دل جھومنے لگتا هے۔ ميں تو كهوں گا كه اگر اهل جنت كواس طرح كي نعمت ملي هے٬ تو يقينا وه بهت هي پاكيزه زندگي گذار رهے هوں گے۔
ايك اور صاحب نے فرمايا: همارے دلوں ميں بسا اوقات نعمتوں اور لذتوں كا ايسا جھونكا گذرتا هے٬ كه اگر اسے باشاه يا بادشاهوں كےبيٹے جان ليں٬ تواس پر هميں كوڑے ماريں۔
اور ايك بندۀ ذاكر كا كهنا هے كه : الله كي قسم ! الله كي محبت ٬ اور اس كي اطاعت كے بغير اس دنيا ميں كوئي لذت نهيں هے۔
امام ابن القيم رحمة الله عليه الله تعالى كے قول: {إِنَّ الْأَبْرَارَ لَفِي نَعِيمٍ}[11] كي تفسير ميں فرماتے هيں: "الله تعالے كے قول {لَفِي نَعِيمٍ} كو صرف آخرت كے لئے گمان نه كريں٬ بلكه اس ميں ساري نعمتيں٬ يهاں تك كه دنياوي نعمتيں بھي شامل هيں۔ جيسا كه ابرار (الله كے نيك اور متقي بندے) اپنے دلوں كےاندر قلبي سكون اور لذت وسعادت محسوس كرتے هيں۔ اسي لئے فرمايا {لَفِي نَعِيمٍ } تو معلوم هونا چاهئے كه اس ميں دنيا و آخرت دونوں كي نعمتيں شامل هيں"[12]
جيسا كه الله تعالے نے ارشاد فرمايا هے: {مَنْ عَمِلَ صَالِحاً مِّن ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُم بِأَحْسَنِ مَا كَانُواْ يَعْمَلُونَ}[13] ترجمه: جو شخص نيك عمل كرے٬ مرد هو يا عورت٬ ليكن با ايمان هو٬ تو هم اسے يقينا نهايت بهتر زندگي عطا فرمائيں گے۔ اور ان كے نيك اعمال كا بهتر بدله بھي انھيں ضرور ضرور ديں گے۔ يعني دنيا ميں بهترين زندگي٬ اور آخرت ميں بهترين بدله بشكل جنت عطا كرے گا۔
بلاشبه دل ايك عظيم الشان چيز هے۔ يهي تقوى كا محل هے٬ اور فجور كا بھي۔ حديث قدسي كے اندر الله عز وجل كا فرمان هے كه: [اے ميرے بندو! اگر تم ميں سے اول سے لے كر آخر تك٬ اور انسانوں سے لے كر جنات تك٬ هر ايك كا دل كسي انتهائي متقى وپرهيزگار آدمي كے دل كے مانندهو جائے٬ تواس سے ميري بادشاهت ميں ذره برابر بھي اضافه نهيں هو گا۔ اے ميرے بندو! اگر تم ميں سے اول سے لے كر آخر تك٬ اور انسانوں سے لے كر جنات تك٬ هر ايك كا دل كسي انتهائي فاسق وفاجرآدمي كے دل كے مانندهو جائے٬ تواس سے ميري بادشاهت ميں ذره برابر بھي كوئي كمي نهيں هوگي][14]
يه حديث اس بات پر غماز هے كه٬ تقوى وطهارت هو٬ يا فسق وفجور٬ ا سكا محل دل هي هے۔ ابن رجب رحمة الله عليه اس حديث كي شرح ميں فرماتے هيں: "اس حديث ميں دليل هے كه٬ تقوى هو يا فجور٬ اس كي جڑ دل ميں هي هے۔ تو جب دل نيك بن گيا٬ اور اس نےتقوى اختيار كر ليا٬ تو باقي اعضاء وجوارح بھي اس كي متابعت ميں كار خير كريں گے۔ اور جب دل نے فسق وفجور شروع كر ديا٬ تو ديگر اعضاء وجوارح بھي اس كي اتباع ميں فسق وفجور كرنے لگتے هيں"[15] جيسا كه نبي ﷺ نے فرمايا هے: ["تقوى يهاں هوتا هے" اورآپ نے اپنے سينے كي طرف اشاره فرمايا][16]
كسي عمل كےبجا لانے ميں دل كے تقوى ميں كمي زيادتي هوتي هے۔ اورقوت ارادي مختلف هوتے هيں۔ اعمال كي فضيلتوں ميں دل كے اس تفاوت كے اعتبار سے بڑا فرق هے۔ مثال كے طور پر دو آدمي ايك ساتھ ايك هي نما زادا كر رهے هوتے هيں۔ مگر ان دونوں كي نمازكي فضيلت ميں زمين وآسمان كا فرق هے۔ جيسا كه حسان بن عطيه رحمه الله نے فرمايا٬ كيوں كه ان ميں سے ايك پوري طرح الله عز وجل كي طرف متوجه هوتا هے۔ جب كه د وسرا غافل٬ لهو ولعب كرنے والا اور كاهلي وسستي كا شكار هوتا هے۔ اسي لئے نبي ﷺ نے فرمايا كه بعض هلكے سے عمل نے بھي كچھ لوگوں كوبلند درجے تك بهنچا ديا۔
جيساكه ايك بد كار عورت كا قصه٬ جسے نبي ﷺ نے بيان فرمايا كه٬ اس نے ايك پياسے كتے كو پاني پلا ديا٬ تو الله تعالى نے اسے بخش ديا[17]۔
نيز جيسا كه بني ﷺ كا فرمان هے كه:[ايك آدمي نے راستے ميں پڑي درخت كي ٹهني ديكھي٬ جس سے لوگوں كو اذيت پهونچ رهي تھي٬ اسے اس نےراستے سے هٹا ديا٬ تو الله تعالے نے اس كے اس عمل پر اس كاشكر ادا كيا][18]
اسي طرح نبي ﷺ كا قول كه: [بنده كبھي كوئي ايسي معمولي سي بات كهه ديتا هے٬ جس سے الله تعالے راضي هو٬ اس كي خود كي نظر ميں اس بات كي اتني اهميت نهيں هوتي٬ مگر الله تعالے اس كے بدلے ميں اپني رضامندي اس كے لئے لكھ ديتے هيں٬ اس دن تك كے لئے جس دن وه اس سے ملاقات كرے گا][19]
اس طرح كي فضيلتيں هر اس آدمي كے لئے نهيں هيں٬ جو اس طرح كے چھوٹے چھوٹے اعمال انجام دے۔ بلكه ان لوگوں كے لئے هيں٬ جو بقول شيخ الاسلام ابن تيميه رحمه الله: يه ايسے لوگ هيں٬ جن كے دلوں سے ايسے ايسے اعمال انجام پائے هيں٬ جنھوں نے انھيں اس مقام تك پهونچا ديا هے۔ ورنه هر وه آدمي جو كسي كتے كو پاني پلا دے٬ محض اسي كي وجه سے اسے بخش نهيں ديا جائےگا۔ نه هي كسي كو محض مسلمانوں كے راستے سے كسي ٹهني كو هٹا دينے سے اسے معاف كر ديا جائےگا۔ بلكه يه وه لوگ هيں٬ جن كے دلوں ميں الله عز وجل كي بے انتها تعظيم تھي۔ كامل يقين تھا۔ پيكر صدق تھے۔ اور اخلاص سے دل لبريز تھا۔ جس كي وجه سے انھيں يه رتبه اور يه مقام ملا۔ اسي وجه سےبسا اوقات دو آدمي ايك هي طرح كا صدقه كر رهے هوتے هيں۔ مگر فضيلت اور اجرو ثواب كے اعتبار سے دونوں كے درميان ايك عظيم خلاء اور بهت بڑا فرق هوتا هے۔ يهي حال روزوں ميں بھي هے۔ يهي معامله حج ميں بھي هے۔ بلكه تمام تر عبادات ميں يهي روش پائي جاتي هے۔ عمل كي فضيلت دل كے احوال كے مطابق بڑھتي چلي جاتي هے۔ اور دل كے حالات هي عمل كے اجرو ثواب كو متفاوت كرتے هيں"[20]
امام ابن قيم الجوزيه رحمه الله فرماتے هيں: "الله تعالے كے نزديك دل كے حالات ٬ ايمان كامل٬ اخلاص ومحبت اور ان كے لوازمات كے اعتبار سے هي اعمال كي فضيلتوں ميں كمي زيادتي هوتي هے۔ در اصل يهي وه چيزيں هيں٬ جوسارے گناهوں كے كفاره بنتے هيں۔ اور ان ميں كمي كے اعتبار سے كمي بھي هوتي هے۔ ان دو قاعدوں سے بهت سے اشكالات بھي از خود رفع هو جاتے هيں۔ جو اس باب ميں اٹھائے جاتے هيں۔ اور وه دو قاعدے هيں: دل ميں موجود ايمان كے تحقق كے بمقدار عمل كي فضيلت كا بڑھنا۔ اور انھيں كي كمي زيادتي كے اعتبار سےكم يا زياده سيئات كا كفاره بننا"[21]
اسي لئے بعض اهل علم نے كها هے كه كامل نماز تمام گناهوں كا٬ يهاں تك كه كبائر كا بھي كفاره بنتي هے۔ اور كامل نماز وه هے٬ جس ميں نمازي پوري طرح سےخشوع وخضوع برتے۔اور اپنے اس قول كے لئے بني ﷺ كےفرمان كو دليل بنايا هےكه: [اگر تم ميں سے كسي كے دوازے كے سامنے كوئي نهر هو٬ جس سے وه هر روز پانچ بار غسل كرے٬ تو كيا كچھ ميل كچيل اس كے بدن ميں باقي ره جائيں گے؟ صحابه كرام نے كها:نهيں اے الله كے رسول! آپ ﷺ نے فرمايا: اسي طرح پانچ وقت كي نمازيں هيں۔ جنھيں الله تعالے گناهوں كا كفاره بنا ديتا هے][22]
نيز [پانچوں وقت كي نمازيں٬ اور ايك جمعه دوسرےجمعه تك٬ اور ايك رمضان دوسرے رمضان تك٬ ان كے درميان جو كچھ بھي هو٬ سب كے لئے كفاره بن جاتے هيں۔ اگر كبائر سے اجتناب كيا گيا هو][23]
گرچه دوسري حديث ميں كبائر سے دور رهنے كي شرط وارد هے۔ كه "پانچوں وقت كي نمازيں٬ اور ايك جمعه دوسرےجمعه تك٬ اور ايك رمضان دوسرے رمضان تك٬ ان كے درميان جو كچھ بھي هو٬ سب كے لئے كفاره بن جاتے هيں۔ اگر كبائر سے اجتناب كيا گيا هو" ليكن بعض اهل علم كهتے هيں كه: كبائر سے اجتناب كي شرط غير كامل نماز كے لئے هے۔ جو كه اكثر لوگوں كي نمازوں كا حال هے۔ مگر كامل نماز جس ميں انسان پوري طرح سے خشوع وخضوع بجا لاتا هے۔ اس كا درجه الله كے نزديك بهت هي بلند هے۔ لهذا بعيد نهيں كه ايسي نماز تمام گناهوں حتى كه كبائركي طرف سےبھي كفاره بن جائے۔
يه اس بات كي دليل هے كه اجرو ثواب كي كمي و زيادتي ميں قلبي كيفيت اور اس كے عمل كي بے انتهاء اهميت هے۔ اعمال كي ادائيگي ميں دل كے اندر بے انتهاء اخلاص ٬ الله تعالى كي بے حد تعظيم ٬ يقين كامل اور توكل واعتماد سے لبريز٬ الله كي محبت اور اس سے خوف ورجاء نيز شدائد ميں صبر وغيره يهي وه اعمال هيں جو قلبي اعمال كهلاتے هيں۔ بهت سے اهل خير وصلاح مختلف قسم كي عبادتوں ميں خاصي توجه ديتے هيں۔ نماز روزے صدقات وغيره وديگر كار خير ميں حريص هوتے هيں۔ مگر قلبي اعمال ميں ان كي توجه كم هي هوتي هے۔ اور بسا اوقات كچھ لوگ ديگر عبادتوں ميں ان كي به نسبت كم پائے جاتے هيں٬ مگر قلبي اعمال ميں پهلے لوگوں سے بازي لے جاتے هيں۔
اس قصے پر غور كريں٬ جو نبي ﷺ كے زمانے ميں واقع هوا۔ اورجسے امام احمد بن حنبل رحمة الله عليه نے اپني مسند ميں ذكر كيا هے: "حضرت انس رضي الله عنه سے روايت هے كه نبي ﷺ ايك روز اپنے اصحاب كے ساتھ بيٹھے هوئے تھے٬ تو آپ ﷺ نے فرمايا: [ابھي ابھي يهيں تمهارے پاس اهل جنت ميں سے ايك شخص ظاهر هوگا۔ تو انصار كا ايك آدمي ظاهر هوا٬ جو اپنے بائيں هاتھ سے اپنے جوتوں كو لٹكائے هوئے تھا۔ اس كي داڑھي سے وضو كےپاني كے قطرےٹپك رهےتھے۔ پھر دوسرے دن آپ ﷺ نے فرمايا:ابھي ابھي تمهارےپاس اهل جنت ميں سے ايك شخص ظاهر هوگا۔ تو پھر وهي شخص اسي كيفيت ميں سامنے آيا۔پھر جب تيسرا دن تھا٬ تو نبي ﷺ نے فرمايا:ابھي تمهارے پاس اهل جنت ميں سے ايك شخص ظاهر هوگا۔ تو پھر وهي شخص اسي هيئت وشكل ميں سامنے آيا]
صحابه كرام رضوان الله عليهم اجمعين خير كے حاصل كرنے ميں بهت زياده حريص تھے۔ اور خير كے بهت زياده حريصوں ميں سے عبد الله بن عمرو بن العاص رضي الله عنهما تھے۔ آپ نے اراده كر ليا كه آج سے تين دنوں تك ميں اس آدمي كي نگراني كرتے هوئے كھوج بين ميں لگا رهوں گا۔ اور جاننے كي كوشش كروں گا٬ كه آخر وه كيا چيز هے جس نے اسے رسول الله ﷺ كے فرمان كے مطابق اس درجه تك پهونچا ديا هے۔ پھر اس شخص كےپاس آكر حيله كرتے هوئے كها: ميرے اور ميرے والد كے درميان كچھ كڑواهٹ هوگئي هے۔ اور ميں نے قسم كھائي هے كه تين دنوں تك ميں ان كے گھر ميں رات نهيں گذاروں گا۔ اگر آ پ مجھے پناه دے ديں تو ميں آپ كےپاس تين راتيں گذار لوں گا۔ تو اس شخص نے حامي بھر دي۔ تو پھر حضرت عبد الله رضي الله عنه نے ان كے پاس تين راتيں گزاريں۔
حضرت عبد الله بن عمرو بن العاص رضي الله عنه فرماتے هيں: ميں نے نه تو انھيں بهت زياده كوئي عمل كرتے ديكھا٬ نه هي بهت زياده شب بے داري كرتے هوئے ديكھا۔ البته جب وه جاگ جاتے تو باقي رات وه الله كا ذكر كرتے رهتے يهاں تك كه صبح هو جاتي۔ جب تين راتيں پوري هو گئيں٬ اور قريب تھا كه ميں ان كے عمل كو هلكا سمجھ لوں۔ ميں نے كها:اے الله كے بندے!ميرے اور ميرے والد كے درميان كوئي كھٹاس نهيں هے۔ بلكه ميں نے الله كے رسول ﷺ كو تين بار فرماتے هوئے سنا كه٬ ابھي تمهارے پاس اهل جنت ميں سے ايك شخص ظاهر هوگا٬ تو ميں نے سوچا كه رسول الله ﷺ كے اس فرمان كي وجه معلوم كروں۔ كه آخر آپ اس درجه تك كس عمل كي وجه سے پهونچے۔ تو انھوں نے فرمايا: كوئي خاص نهيں٬جو تم نے اب تك ديكھا بس يهي عمل كرتا هوں۔ حضرت عبد الله كهتے هيں: جب ميں جانے لگا٬ تو اس نے مجھے بلايا اور كها: جو تم نے ديكھا ميں يهي عمل كرتا هوں٬ هاں ايك بات هے كه كسي بھي مسلمان كے لئے٬جسے الله تعالى نے اپنے فضل وكرم سے خير ميں سے كچھ عطا كيا هو٬ ميرے دل ميں كوئي دھوكه وفريب يا بغض وحسد نهيں هے۔ حضرت عبد الله رضي الله عنه نے كها: يهي وه بات هے جس نے تمهيں رسول الله ﷺ كے فرمان كے مطابق اس درجه تك پهنچا ديا هے۔ اور يهي وه بات هے٬ جو هم لوگوں سے نهيں هوپاتي هے"[24]
ابو العباس ابن تيميه رحمة الله عليه نے فرمايا: " حضرت عبد الله بن عمرو رضي الله عنهما كا يه فرمانا٬ كه يهي وه بات هے جس كي وجه سے آپ رسول الله ﷺ كے فرمان كے مطابق اس درجے تك پهونچ گئے٬ اور يهي وه بات هے٬ جس كي هم ميں سكت نهيں۔ اس طرف اشاره كرتا هے كه ان كا دل تمام قسم كے حسدوں سے خالي اور سالم تھا"[25]
تو ديكھيں كه اس قلبي عمل كے ذريعه وه كس طرح بلند منزله اور عاليشان مقام پر فائز هو گئے۔ دل كي سلامتي قلبي عمل هے۔ اور اس قلبي عمل نےايك ايسےشخص كو بلند مقام تك پهونچا ديا۔ جو قيام الليل نهيں كرتاتھا۔ جب كه شب بيداري اور تهجد كي بڑي فضيلت هے۔ اور اس ميں اجر عظيم هے۔ نيز يه صالحين كي روش هے۔ ليكن ديكھئے كه اس كے باوجود وه آدمي الله كے نزديك كس قدر عظيم الشان مقام تك پهونچ گيا۔ اور عالي مرتبت منزله كا حقدار بنا۔ اور عبد الله بن عمرو رضي الله عنه جو كه فقهاء صحابه ميں سے تھے۔ وه سمجھ گئے كه يه بهت هي بلند مقام هے٬ جس پر يه شخص فائز هے۔ اور يه كه اس كي وجه قلبي عمل اور اس كي كيفيت هي هے۔ فرمايا : " يهي وه بات هے جس نے تمهيں رسول الله ﷺ كے فرمان كے مطابق اس درجه تك پهنچا ديا هے۔ اور يهي وه بات هے٬ جو هم لوگوں سے نهيں هوپاتي هے " كيوں كه يه ايك بهت هي اهم اور عظيم كام هے۔ جس كي توفيق لوگوں ميں سے صرف گنے چنے هي كو مل پاتي هے۔ اس سے يه واضح هو جاتا هے۔ كه قلبي اعمال كا مقام بهت بلند هے۔ اور مسلمان كو چاهئے كه اس كي طرف خاص توجه دے۔ كيوں كه اعتبار كثرت عمل كا نهيں٬ بلكه صلاح عمل كا هے۔ عمل كم هي هو٬ مگر صحيح سالم اور شوائب سے خالي هو تو يهي بهتر هے۔ اور صلاح عمل يه هے كه بنده اپنے دل سے وه عمل انجام دے٬ جو اسے اس كے رب كے سامنے بلند وبالا مقام دلا دے۔
اس حديث پر غور كريں۔ جس ميں سات قسم كےلوگوں كا ذكر هے۔ جنھيں الله تعالے اپنے سائے تلے اس دن سايه نصيب فرمائے گا۔ جس دن اس كے سايه كے سوا اور كوئي سايه نه هوگا۔ جيسا كه صحيحين ميں وارد هے۔ ان ميں سے ايك قسم كے آدمي كا ذكر كچھ اس طرح سے هے: [اور ايك وه آدمي جس نے خفيه طور پر صدقه كيا۔ حتى كه اس كے بائيں هاتھ كو خبر نه هوئي كه اس كے دائيں هاتھ نےكيا خرچ كيا ][26] يعني اپنے دل سے عظيم اخلاص انجام ديا۔ اور اس صدقه كو اس قدر چھپايا ٬كه اگر بائيں هاتھ كو ديكھنے كي صلاحيت هوتي٬ تو بھي صدقه كرتے هوئے دائيں هاتھ كو نه ديكھ پاتا۔ اور يه اخلاص كا نمونه هے٬ جو كه قلبي عمل هے۔
اسي طرح اسي حديث ميں ان دو آدميوں كا ذكر بھي هے [جنھوں نے آپس ميں ايك دوسرے كے ساتھ الله كے لئے محبت كي۔ الله هي كے لئے اكٹھے هوتے هيں۔ اور اسي كے لئے الگ هوتے هيں] تو اس ميں بھي الله كے لئے محبت كرنا قلبي عمل هے۔
اس ميں اس شخص كا بھي ذكر هے [ جس نے تنهائي ميں الله كو ياد كيا٬ تو الله تعالے كي خشيت سے اس كي آنكھيں چھلك پڑيں] اس ميں بھي خشيت الهي قلبي عمل هے۔
ان سات قسم كے لوگوں ميں سے ايك اس آدمي كا بھي ذكر هے [ جسے كسي بڑے گھر كي خوبصورت عورت نے برائي كي دعوت دي۔ مگر وه اس آفر كو ٹھكرا تے هوئے اس نے يوں كها٬كه ميں الله سے ڈرتا هوں] واضح رهے كه الله سے ڈر اور خوف قلبي عمل هے۔
بعض قلبي اعمال
يهاں پربغرض وضاحت قلبي اعمال كي اهم ترين قسموں ميں سے چند كو بطور مثال هم ذكر كرنا چاهتے هيں۔ تاكه انھيں اپنے اندر اجاگر كرنے كي كوششوں ميں آساني پيدا هو جائے۔
يقين :قلبي اعمال ميں سے ايك عظيم عمل "يقين" هے۔ جس كے بارے ميں امام ابن القيم رحمه الله فرماتے هيں[27]: "يقين ايمان كے لئے ايسے هي هے٬ جيسے جسم كے لئے روح۔ اور يهي وه چيز هے جس ميں كمي زيادتي كے اعتبار سے عارفين كے مابين فضيلت ميں كمي بيشي هے۔ اسي ميں بازي مارنے كے لئے متسابقين كے درميان تنافس رها۔ اور عاملين هميشه اسي كے لئے كمر بسته رهے۔ اور جب يقين اور صبركسي ايك شخص ميں جمع هو جائيں٬ تو اسے دين ميں امامت كا رتبه مل جاتا هے۔ الله تعالے كا فرمان هے: {وَجَعَلْنَا مِنْهُمْ أَئِمَّةً يَهْدُونَ بِأَمْرِنَا لَمَّا صَبَرُوا وَكَانُوا بِآيَاتِنَا يُوقِنُونَ }[28] ترجمه: اور جب ان لوگوں نے صبر كيا ٬ تو هم نے ان ميں سے ايسے پيشوا بنائے٬ جو همارے حكم سے لوگوں كو هدايت كرتے تھے۔ اور وه هماري آيتوں پر يقين ركھتے تھے۔
يقين الله كے ان نيك بندوں كي صفت هے٬ جو اس كي نشانيوں اور براهين سے فائده اٹھانے والے هوتے هيں۔ جيسا كه الله سبحانه وتعالے كا ارشاد هے:{ وَفِي الْأَرْضِ آيَاتٌ لِّلْمُوقِنِينَ }[29] ترجمه: اور يقين والوں كے لئے تو زمين ميں بهت سي نشانياں هيں۔
الله تعالے نے اهل يقين كا وصف بيان كرتے هوئے انھيں تمام عالموں ميں راه راست پر گامزن اور فلاح پانے والا قرار ديا هے۔ فرمايا: { والَّذِينَ يُؤْمِنُونَ بِمَا أُنزِلَ إِلَيْكَ وَمَا أُنزِلَ مِن قَبْلِكَ وَبِالآخِرَةِ هُمْ يُوقِنُونَ * أُوْلَـئِكَ عَلَى هُدًى مِّن رَّبِّهِمْ وَأُوْلَـئِكَ هُمُ الْمُفْلِحُونَ }[30] ترجمه: اور جو لوگ ايمان لاتے هيں اس پر جو آپ كي طرف اتارا گيا٬ اور وه آخرت پر بھي يقين ركھتے هيں۔ يهي لوگ اپنے رب كي طرف سے هدايت پر هيں٬ اور يهي لوگ فلاح اور نجات پانے والے هيں۔
اور جهنميوں كے بارے ميں يه خبر ديتا هے٬ كه وه اهل يقين ميں سے نهيں تھے۔ ارشاد هے: { وَإِذَا قِيلَ إِنَّ وَعْدَ اللَّهِ حَقٌّ وَالسَّاعَةُ لَا رَيْبَ فِيهَا قُلْتُم مَّا نَدْرِي مَا السَّاعَةُ إِن نَّظُنُّ إِلَّا ظَنّاً وَمَا نَحْنُ بِمُسْتَيْقِنِينَ }[31] ترجمه: اور جب كبھي كها جاتا كه الله كا وعده يقينا سچا هے٬ اور قيامت كے آنے ميں كوئي شك نهيں٬ تو تم جواب ديتے تھے٬كه هم نهيں جانتے قيامت كيا چيز هے؟ هميں كچھ يوں هي سا خيال هو جاتا هے٬ ليكن هميں يقين نهيں۔
"يقين" اور "توكل " دونوں ايك دوسرے كے لئے لازم وملزوم هيں۔ بلكه كبھي كبھي يقين كي تفسير توكل سے كي جاتي هے۔ ليكن صحيح بات يه هے كه توكل يقين كا ثمره اور اس كا نتيجه هے۔ جب كسي دل ميں يقين پيدا هو جاتا هے٬ تو وه دل چمك اور نورانيت سے بھر جاتا هے۔ اور اس سے هر طرح كے شكوك وشبهات ختم هو جاتے هيں۔ هر قسم كےحزن وملال ٬ هم وغم ٬ ناراضگي اور جھنجھلاهٹ مٹ جاتے هيں۔ اور وه دل الله عز وجل كي محبت ٬ اس كا رضا٬ اس سے خوف وخشيت٬ اس كا شكر ٬ اس پر توكل اور اس كي جانب توبه وانابت سے بھر جاتا هے۔
لوگوں كے درميان دلوں ميں اس يقين كے متحقق هونے ميں بهت زياده فرق پايا جاتا هے۔ مثال كے طور پر تمام مسلمان آخرت پر ايمان ركھتے هيں۔ اور حشرو نشر ٬ ميزان وصحائف ٬ پل صراط اور جنت وجهنم وغيره كے بارے ميں جو بھي نصوص وارد هوئے هيں٬ ان پريقين ركھتے هيں۔ ليكن ان ميں يقين كے درجه ميں بڑا اختلاف هوتا هے۔ جو اهل تقوي وصلاح هيں٬ وه ان پر اپني آنكھوں سے ديكھي چيزوں سے زياده يقين ركھتے هيں۔ كيوں كه ان كے مطابق آنكھوں كي ديكھي چيزوں ميں وهم كا امكان هے۔ ليكن جس چيز كي خبر الله سبحانه وتعالى اور رسول الله ﷺ خود دے رهے هوں۔ اس ميں قطعا كوئي وهم نهيں هو سكتا۔ اگر كوئي انسان قوت يقين كے اس مرحله تك پهونچ جائے٬ تو اس ميں كوئي شك نهيں كه اس كے ثمرات اسي قدر عظيم هوں گے۔ اسےالله كي تعظيم ٬ اس كي محبت ٬ اس كا خوف وخشيت٬ اس سے اميد ورجاء ٬اس پر توكل اور صدق وصفا كا وافر مقدار نصيب هوگا۔ ليكن يه درجه انتهائي عالي مقام هے۔ اور اس كي توفيق لوگوں ميں سے بهت كم كو هي ملتي هے۔
اور كچھ لوگ يقين ميں اس سے نچلے درجے ميں هوتے هيں۔ بلكه اس كےبهت سے درجے هيں۔ اور حسب يقين لوگوں كےمراتب مختلف هيں۔ سلف ميں سے بعض كے بارے ميں بيان كيا گيا هے كه جب وه نماز كے لئے كھڑے هوتے٬ تو ان كا چهره پيلا پڑ جاتا تھا۔ ان سے اس كا سبب پوچھا گيا تو فرمايا: كيا تم جانتے هو كه ميں كس كے سامنے كھڑا هوتا هوں؟ ميں تمام جهانوں كے رب كے سامنے كھڑا هوتا هوں۔ يعني اس قيام كي عظمت ان كے ذهن ميں هوتي تھي۔ انھيں مستحضر هوتا تھا كه وه سارے جهانوں كے رب ٬ بادشاهوں كے بادشاه اور شهنشاه كے سامنےكھڑے هيں۔ اسي طرح نماز كے اندرخشوع خضوع ميں قوت يقين كا بڑا دخل هے۔ جس كا دل قوت يقين سے پر هوگا٬ بے شك وه اپني نماز ميں خشوع وخضوع برتےگا۔
يقين كے تين درجے هيں: پهلا درجه: علم اليقين، دوسرا درجه: عين اليقين، تيسرا درجه: حق اليقين هے۔
علم اليقين وه هے٬ جس كا علم سماع٬ خبر يا قياس كے ذريعه هو۔ عين اليقين اسے كهتے هيں٬ جو آنكھوں سے مشاهده اور معائنه كے ذريعه حاصل هو۔ اور حق اليقين لمس يا چكھنے وغيره كے ذريعه حاصل هوئے يقين كو كهتے هيں۔
شيخ الاسلام ابن تيميه رحمه الله نے اس كي مثال اس طرح دي هے٬ كه اگر كسي آدمي كو يه خبر دي جائے٬ كه فلاں جگه شهد هے۔ اور سننے والا اس خبر پر پوري طرح سے وثوق كر لے۔ تو يه علم اليقين هے۔ اور اگر اس نے اس شهد كو ديكھ كر مشاهده كر ليا٬ تو يه عين اليقين هے۔ ليكن اگر اس نے اسے چكھ ليا٬ تو يه حق اليقين هے۔
حضرت ابراهيم عليه السلام نے الله عز وجل سے مردوں كو زنده كرنے كي كيفيت دكھا نے كا مطالبه كيا۔ بعض اهل علم فرماتے هيں كه ان كا اراده عين اليقين سے منتقل هو كر حق اليقين تك پهونچنے كا تھا۔ الله تعالے كا فرمان هے: {وَإِذْ قَالَ إِبْرَاهِيمُ رَبِّ أَرِنِي كَيْفَ تُحْيِـي الْمَوْتَى قَالَ أَوَلَمْ تُؤْمِن قَالَ بَلَى وَلَـكِن لِّيَطْمَئِنَّ قَلْبِي قَالَ فَخُذْ أَرْبَعَةً مِّنَ الطَّيْرِ فَصُرْهُنَّ إِلَيْكَ ثُمَّ اجْعَلْ عَلَى كُلِّ جَبَلٍ مِّنْهُنَّ جُزْءاً ثُمَّ ادْعُهُنَّ يَأْتِينَكَ سَعْياً وَاعْلَمْ أَنَّ اللّهَ عَزِيزٌ حَكِيمٌ }[32] ترجمه: اور جب ابراهيم (عليه السلام) نے كها كه٬ اے ميرے پروردگار! مجھے دكھا تو مردوں كو كس طرح زنده كرےگا۔ (جناب باري تعالے) نے فرمايا٬ كيا تمهيں ايمان نهيں؟ جواب ديا ايمان تو هے٬ ليكن ميرے دل كي تسكين هو جائےگي۔ فرمايا چار پرند لو٬ ان كے ٹكڑے كر ڈالو٬ پھر هر پهاڑ پر ان كا ايك ايك ٹكڑا ركھ دو٬ پھر انھيں پكارو٬ تمهارے پاس دوڑتے هوئے آ جائيں گے٬ اور جان ركھو كه الله تعالے غالب هے حكمتوں والا هے۔
جب حضرت ابراهيم عليه السلام نے الله عز وجل سے سوال كيا كه وه مردوں كو كس طرح زنده كرےگا۔ تو الله تعالے نے انھيں چار پرندے لينے كا حكم ديا۔ يهاں همارى لئے يه جاننا اهم نهيں كه وه كون اور كس قسم كے پرند تھے۔ گرچه بعض مفسرين نے اس جانب بھي ريشه دواني كي هے۔ آپ نے چار پرندے لئے٬ انھيں ذبح كيا٬ ان كے ٹكڑے كئے٬ ان كے پر اكھاڑے٬ ان كي بوٹياں كيں اور سارے كو ايك دوسرے ميں گڈ مڈ كر ديا۔ گوشت كو گوشت كے ساتھ اور هڈيوں كو هڈيوں كے ساتھ خلط ملط كر كے پهاڑوں كي طرف چلے۔ كها گيا هے كه چار پهاڑيوں اور بعض قول كے مطابق سات پهاڑيوں پر اسے تقسيم كرديا۔ حضرت ابن عباس رضي الله عنهما فرماتے هيں: ان كے سروں كو اپنے هاتھوں ميں هي ركھ ليا۔ پھر الله تعالے نے انھيں پكارنے كا حكم ديا {ثُمَّ ادْعُهُنَّ يَأْتِينَكَ سَعْياً} يعني : پھر انھيں پكارو٬ تمهارے پاس دوڑتے هوئے آ جائيں گے۔ تو جب آپ نے انھيں پكارا ٬ اور ان كي طرف ديكھنے لگے٬ تو عجيب وغريب ماجرا ديكھا۔ ديكھا كه پر پر كي طرف اڑ رها هے٬ خون خون كي طرف٬ گوشت گوشت كي طرف٬ اور هر پرندے كے مختلف ٹكڑے اپنے اپنے جسم ميں ايك دوسرے كے ساتھ جڑ رهے هيں۔ حتى كه تمام پرندے كھڑے هو گئے۔ اور غالب حكمت والے رب كي قدرت سے دوڑتے هوئے آ گئے۔ تاكه حضرت ابراهيم عليه السلام كو قريب سےكمال رؤيت حاصل هو۔ حضرت ابراهيم عليه السلام كے هاتھوں ميں ركھے اپنے اپنے سروں كو لينے كے لئے سارے پرندے آپ كے پاس آگئے۔ جس پرندے كو اس كا سر آگے بڑھاتے٬ وه جڑ جاتا٬ اور جسے دوسرے كا سر پيش كرتے٬ تو وه اس ميں نه جڑتا۔ الله تعالے كي اس مبهوت كر دينے والي عظيم قدرت پر غور كريں۔ اسي لئے فرمايا: {وَاعْلَمْ أَنَّ اللّهَ عَزِيزٌ حَكِيمٌ } ترجمه: اور جان ركھو كه الله تعالے غالب هے حكمتوں والا هے۔
حضرت ابراهيم عليه السلام علم اليقين سے منتقل هو كر عين اليقين تك پهونچنا چاهتے تھے۔ تو آپ نے ديكھ ليا كه الله تعالے كس طرح مردوں كو زنده كرےگا۔ جس سے ان كا يقين اور بڑھ گیا۔ يعني ان كا يقين علم اليقين سے بڑھ كر عين اليقين تك پهونچ گيا۔ اسي لئے الله تعالے نے فرمايا: {وَاعْلَمْ أَنَّ اللّهَ عَزِيزٌ حَكِيمٌ } كه ايسا غالب جسے كوئي مغلوب نه كر سكے۔ اور كوئي چيز اس كے حكم كا انكار نه كر سكے۔ جو چاهے وه بلا روك ٹوك هو جائے۔ كيوں كه وه هر چيز پر عظيم اور زبردست هے۔ اپنے كاموں اپني ايجادات اور قدرت ميں انتهائي حكمت والا هے۔
اسي لئے صحيحين ميں آيا هے كه نبي ﷺ نے فرمايا: حضرت ابراهيم عليه السلام كي به نسبت هم زياده لائق هيں شك كے۔ جس كا مفهوم يه هے كه اگر ابراهيم عليه السلام شك كر تے٬ تو ان سے زياده شك كے قابل تو هم هيں۔ كيوں كه ابراهيم عليه السلام كا مقام هم سے بهت بلند هے۔ تو جب هم نےشك نهيں كيا٬ تو بدرجه اولى حضرت ابراهيم عليه السلام نے شك نهيں كيا تھا۔ آپ ﷺ نے خاكساري كے طور پر ايسا فرمايا٬ ورنه همارے نبي محمد ﷺ تمام نبيوں اور رسولوں سے افضل هيں۔ صلوات الله وسلامه على الجميع۔
بندے كي عبوديت اورقوت ايمان ميں اس كے يقين كا بهت بڑا اثر هے۔ قوت يقين هي كے كے مقدار ميں انسان الله عز وجل كي جانب پيش قدمي كرتا هے۔ اگر يه يقين كسي ميں كمزور پڑ جائے٬ تو وه اس لهو ولعب اور غفلت كا شكار هو جاتا هے۔بهت سے لوگ ايسے ملتے هيں٬ جو دار آخرت سے غافل اور فضوليات ميں مشغول هوتے هيں۔ وه محض اس لئے نهيں كه آخرت پر ان كا ايمان نهيں هے۔ بلكه اس لئے بھي كه ان كے اندر قوت يقين كمزور پڑ گیا هے۔ اگر ان كا يقين مضبوط هوتا٬ تو الله كي جانب ان كا اقبال زياده هوتا٬ اور دار آخرت كي انھيں فكر هوتي۔ اسي لئے الله سبحانه وتعالے نے فرمايا هے: { أَلْهَاكُمُ التَّكَاثُرُ * حَتَّى زُرْتُمُ الْمَقَابِرَ * كَلَّا سَوْفَ تَعْلَمُونَ * ثُمَّ كَلَّا سَوْفَ تَعْلَمُونَ * كَلَّا لَوْ تَعْلَمُونَ عِلْمَ الْيَقِينِ * لَتَرَوُنَّ الْجَحِيمَ}[33] ترجمه: زيادتي كي چاهت نے تمهيں غافل كر ديا۔ يهاں تك كه تم قبرستان جا پهونچے۔ هرگز نهيں! تم عنقريب معلوم كر لوگے۔ هرگز نهيں! پھر تمهيں جلد علم هو جائےگا۔ هرگز نهيں! اگر تم يقيني طور پر جان لو۔تو بے شك تم جهنم ديكھ لوگے۔ يعني اگر تم جس راستے پر چل رهے هو٬ اس كا آخري انجام جان لو۔ تو زيادتي كي چاهت اور اس ميں فخرومباهات كو يكسر فراموش كر دوگے۔ اور نيك اعمال كي جانب بھاگتے هوئے آؤگے۔ قوله : {لَوْ تَعْلَمُونَ عِلْمَ الْيَقِينِ } اس كا جواب محذوف هے۔ يعني اگر تم يقيني طور پر جان لو٬ اس حال ميں كه تم دنيا ميں هو٬ تو قطعا (مال ودولت آل و اولاد عزو جاه وغيره كي) زيادتي كي هوس تمهيں مشغول نه كرتي۔يه بات اس پر دال هے كه انسان كےسلوك ميں علم يقين كا بهت بڑا دخل هے۔ مال واولاد كي زيادتي كي هوس ٬ اور جو اسے الله كے ذكر سے دور كر دے۔ اسے ايسي چيزوں سےاس كا يقين باز ركھتا هے۔
اب هم قلبي اعمال ميں سے ايك اور عمل كي جانب رخ كرتے هيں۔ اور وه هے الله عز وجل كي محبت۔ اور يه قلبي اعمال ميں سب سے عظيم هے۔ اور اس كا محل قلب هي هے۔ جس كي اهميت ايسي هے٬ جيسے پرندے كے لئے اس كا سر۔ نيز خوف وخشيت اور اميد ورجاء اس كے دو بازو اور پر هيں۔ اگر محبت معدوم هو گئي٬ تو ايسے هے جيسے كسي پرندے كا سر كاٹ ديا گيا هو۔ ايسے ميں وه اپنے رب عز وجل كي طرف كيسے اقدام كر سكتا هے؟
لوگوں كے درميان اس محبت كي صفت ميں بهت زياده فرق پايا جاتا هے۔اورالله كي محبت كي صداقت كے لئے نبي ﷺ كي اتباع واضح علامت هے۔ جيسا كه الله تعالے نے فرمايا: {قُلْ إِن كُنتُمْ تُحِبُّونَ اللّهَ فَاتَّبِعُونِي يُحْبِبْكُمُ اللّهُ }[34] ترجمه: كهه ديجئے! اگر تم الله تعالى سے محبت ركھتے هو تو ميري تابعداري كرو٬ خود الله تعالى تم سے محبت كرےگا۔
الله عز وجل سے محبت كا دعوى تو سبھي كرتے هيں۔ مگر اس كو پركھنے كا آله٬ اور اس ميں صداقت كے لئے برهان نبي ﷺ كي اتباع هے۔ يهي الله عز وجل سے محبت كي كھلي دليل هے۔ اور اس محبت كو تقويت بهونچانے والا سب سے بڑا ذريعه جيسا كه ابو العباس ابن تيميه رحمه الله نے فرمايا:
" اولا : كثرت سے الله سبحانه وتعالى كا ذكر كرنا٬ كيوں كه يه الله كي محبت كو تقويت بهونچانے والا سب سے بڑا ذريعه هے۔ بنده جب كثرت سے الله كا ذكر كتا هے٬ تو اس كے دل ميں الله كي محبت گهري هوتي چلي جاتي هے۔ اس كا دل نرم هو جاتا هے۔ اور الله كي جانب اقبال ميں بڑا كردار نبھاتا هے۔
ايك آدمي حسن بصري رحمه الله كے پاس آيا اور كهنے لگا: اے ابو سعيد! ميں اپنے دل ميں قساوت اور سختي محسوس كر رها هوں۔ تو حسن بصري نے كها: كثرت سے الله كے ذكر كے ذريعه اپنے دل كي سختي كو پگھلاؤ۔ كيوں كه الله كے ذكر سے زياده كسي بھي چيز سے دل كي سختي كو نهيں پگھالا جا سكتا هے۔ الله تعالى كا فرمان هے: {الَّذِينَ يَذْكُرُونَ اللّهَ قِيَاماً وَقُعُوداً وَعَلَىَ جُنُوبِهِمْ وَيَتَفَكَّرُونَ فِي خَلْقِ السَّمَاوَاتِ وَالأَرْضِ رَبَّنَا مَا خَلَقْتَ هَذا بَاطِلاً سُبْحَانَكَ فَقِنَا عَذَابَ النَّارِ }[35] ترجمه: جو الله كا ذكر كھڑے اور بيٹھے اور اپني كروٹوں پر ليٹے هوئے كرتے هيں٬ اور آسمانوں و زمين كي پيدائش ميں غور وفكر كرتے هيں٬ اور كهتے هيں: اے همارے پروردگار ! تو نے يه بے فائده نهيں بنا يا٬ تو پاك هے٬ پس هميں آگ كے عذاب سے بچالے۔
ثانيا: الله عز وجل كي بڑي بڑي نعمتوں اور اس كے احسانات پر غور وفكر كرنا۔ كيوں كه نفوس كي جبلت ميں اس كے محسن سے محبت ڈالي گئي هے۔ لوگ اپنے محسن سے جبلي طور پر محبت كرتے هيں۔ اور الله عز وجل نے اپنے بندوں كوبهت بڑي بڑي لا تعداد وبے شمار نعمتيں عطا كي هيں۔ اس نےسننے اور ديكھنے كي نعمت اور عقل وصحت وغيره جيسي ان گنت بڑي بڑي نعمتيں عطا كي هيں٬ جنھيں شمار نهيں كيا جا سكتا۔ جب ان كے بارے ميں غور وفكر كيا جائےگا۔تواس سے الله كي محبت پيدا هوگي۔
الله تعالے سے دعاء هے كه وه همارے دلوں كي اصلاح فرمائے۔هميں قلب سليم ٬ خشوع وخضوع كروالا اور اپنے رب كي جانب مائل هونے والا دل عطا كرے۔ همارے لئے آسانيوں كو اور آسان بنا دے٬اور مشكلات سے هميں دور ركھے۔ نيز هميں ان اقوال و اعمال كي توفيق بخشے٬ جن كو وه پسند كرتا هے٬ اورجن سے راضي هوتا هے۔ اور همارے نبي محمد ﷺ پر اور آپ كے تمام آل واصحاب پر درود وسلام نازل كرے۔
| |
خريج الجامعه الاسلاميه بالمدينه المنوره
داعيه ومترجم شعبۀ جاليات تيماء سعودي عرب
بتاريخ: 24/ 02/ 1438 ھ
بمطابق:24/ 11/ 2016 م
بروز جمعرات
[1] صحيح مسلم كتاب البر والصلة باب تحريم ظلم المسلم وخذله رقم الحديث (2564)
[2] صحيح البخاري كتاب الإيمان فضل من استبرأ لدينه رقم الحديث (25) وصحيح مسلم كتاب المساقات باب أخذ الحلال وترك الشبهات رقم الحديث (1599 و 106)
[3] صحيح البخاري كتاب بدء الوحي رقم الحديث (1) وصحيح مسلم كتاب الجهاد باب قوله إنما الأعمال بالنيات رقم الحديث (1907)
[4] صحيح البخاري رقم الحديث (6617 و 6628 و 7391) سنن الترمذي رقم الحديث (1540) سنن النسائي المجلد 7 الصفحة 302 سنن ابن ماجة رقم الحديث (20932) مسند أحمد المجلد 2 الصفحة 25 و 26 و 67 و 68 و 127) والموطأ لمالك رقم الحديث (15) سنن الدارمي رقم الحديث (2350) معجم الطبراني رقم الحديث (13163 و 13164)
[5] مسند أحمد المجلد 1 الصفحة 8 وسنن الترمذي كتاب الدعوات باب في العفو والعافية رقم الحديث (3518)
[6] صحيح مسلم كتاب القدر باب تصريف الله تعالى القلوب كيف يشاء رقم الحديث (4798)
[12] الجواب الكافي لمن سأل عن الدواء الشافي ص 85
[14] صحيح مسلم كتاب البر والصلة والآداب باب تحريم الظلم رقم الحديث (2577 – 55)
[15] جامع العلوم والحكم ج 2/ ص 47
[16] صحيح مسلم رقم الحديث (6541) ومسند أحمد من حديث أبي هريرة ج 2/ ص 277 وسنن الترمذي رقم الحديث (1927)
[17] صحيح البخاري كتاب المساقاة باب فضل سقي الماء رقم الحديث (2363) وصحيح مسلم كتاب الحيوان باب فضل ساقي البهائم المحترمة رقم الحديث (2244)
[18] صحيح البخاري باب من أخذ ما يؤذي الناس في الطريق فرمى به رقم الحديث (2472) وصحيح مسلم باب فضل إزالة الأذى عن الطريق رقم الحديث (1914)
[21] الوابل الصيب ص 29
[22] صحيح البخاري باب الصلوات الخمس كفارة رقم الحديث (528) وصحيح مسلم باب المشي إلى الصلاة تمحى به الخطايا وترفع به الدرجات رقم الحديث (1522) وسنن الترمذي باب ما جاء مثل الصلوات الخمس رقم الحديث (2868) وسنن النسائي باب فضل الصلوات الخمس رقم الحديث (462)
[23] صحيح مسلم كتاب الطهارة باب الصلوات الخمس والجمعة إلى الجمعة ورمضان إلى رمضان كفارة رقم الحديث (233)
[24] مسند الإمام أحمد رقم الحديث (12236) قال الحافظ العراقي: - بإسناد صحيح على شرط الشيخين - المغني عن حملة الأسفار ج 2/ ص 862
[26] صحيح البخاري باب الصدقة باليمين رقم الحديث (1423) ورقم (660) وصحيح مسلم باب فضل إخفاء الصدقة رقم الحديث (2379) وسنن الترمذي باب ما جاء في الحب في الله رقم الحديث (2391) وسنن النسائي باب الإمام العادل رقم الحديث (5380)
[27] مدارج السالكين ج 2/ ص 397
[28] سورة السجدة 24
[32] سورة البقرة 260
[33] سورة التكاثر 1- 6
[35] سورة آل عمران191